Handrotsaka
ny Fanahiny amin'ny olona rehetra Andriamanitra
Aorian’ny fiverenan’i Kristy, Andriamanitra dia
handrotsaka ny Fanahy Masina amin’ny olona rehetra, ary hanomboka hanazava ny
fahafantarana marina ny Planiny lehibe amin'ny olona rehetra Izy.
Miteny momba izany fotoana
izany Izy, ka milaza hoe : « Ny tany ho henika ny fahalalana an'i
Jehovah, tahaka ny anaronan'ny rano ny fanambanin'ny ranomasina. »
(Isa 11:9).
Fanjakana
arivo taona sy fitsanganana voalohany ary fijinjam-bokatra lehibe
Ny Fanjakana arivo taona no ambaran’ny Fety fahenina amin’ny
Planin’Andriamanitra, dia ny Fetin’ny
Tabernakely, na « Fetin’ny Famoriam-bokatra » (Eks 34:22).
Hisy fitsanganana voalohany ho an'ireo izay tsy
mba niankohoka teo anoloan'ny bibidia na teo anoloan'ny sariny, ary tsy nandray
ny marika ho eo amin'ny handriny na ho eo amin'ny tànany. Hiara-manjaka amin'i
Jesosy Kristy ireo. Ny maty sisa kosa dia tsy mbola hatsangana. (Apo
20:4-5)
Ny tetiandron’ny Fety Masin’Andriamanitra dia mifototra amin’ny fizaran-taona fijinjam-bokatra tany Isiraely. Arak’izay voatondro, izy ireo dia mitantara fijinjam-panahy ho
an’Andriamanitra.
- Tamin’ny voalohany, ny vokatra kely dia
ambaran’ny Fetin’ny “Santa-bokatra” (Jesosy Kristy) sy ny “Voaloham-bokatra” (Fitsanganana voalohany ho
an'ny Kristianina).
- Ary amin’ny faran’izao andro izao, ny fijinjam-bokatra lehibe
amin’ny faran’ny taona dia ambaran’ny « Fetin’ny Tabernakely » (Fanjakana arivo taona).
Hianatra
hahalala an'Andriamanitra ny olona rehetra
Ary rehefa tapitra ny arivo
taona, dia hovahana Satana ho afaka ao amin'ny trano-maizina ka hivoaka
hamitaka ny firenena eny amin'ny vazan-tany efatra , dia Goga sy Magoga. (Apo
20:7-15)
Aorian’ny
Fanjakan’i Kristy arivo taona, dia mbola hisy olona andavitrisany maro maty tany aloha tany, izay tsy mba nanana mihitsy, tamin’ny androm-piainany, fotoana nahafantarany izay kely indrindra momba
an’Andriamanitra marina, sy Jesosy Kristy, ary ny Planin’ny Famonjena.
“Tsy misy fizahan-tavan'olona" amin’Andriamanitra. (Rom 2:11).
- Ireo
mino an'i Jesosy Kristy no hitoetra ao amin'ny "tobin'ny olona masina" sy
ny "tanàna malala."
- Ary
any ivelany no hisy ny osa sy ny tsy mino, ny vetaveta sy ny mpamono olona
sy ny mpijangajanga sy ny mpanao ody ratsy sy ny mpanompo sampy, ary
ny tia lainga sy ny mpandainga rehetra.
- Satana
dia hivoaka hamitaka ny firenena eny amin'ny vazan-tany efatra, ary
hanangona azy amin'ny ady. Tahaka ny fasika amin'ny ranomasina no isany.
·
Ary nisy afo nidina avy tany an-danitra ka
nandany azy.
·
Ary ny devoly izay namitaka azy dia natsipy tany
amin'ny farihy afo sy solifara, izay misy ilay bibidia sy ilay mpaminany
sandoka.
·
Ary
hampijaliana andro aman-alina mandrakizay mandrakizay ireo. (Apo
20:7-12)
Hevitra ara-panahin'ny Fara-Fivoriana
Izao kosa isika dia tonga amin’ny Fety
ara-panahy fahafito sady farany, izay nomen’Andriamanitra ny
olony.
Izao avy izany no
zava-miafina lehibe hitranga amin'ireo Andro Firavoravoana lehibe farany:
Handray ny Fanahy Masina ireo olombelona mino sy mibebaka.
- Omena fotoana izy
ireo mba hianarany sy hahazoany ny Tenin’ Andriamanitra ary hahalalany an'i Jesosy Kristy, izay Làlana sy Fahamarinana
ary Fiainana
- Izay rehetra mino dia
hanana fotoana hisoratany anarana ao amin’ny “Bokin’ny Fiainana” (Apo 20:11-12 »
- Izay tsy mety mino
kosa no hiharan'ny fahafatesana faharoa.
Ny finoana sy fanekena
an'i Jesosy ho Mpamonjy
Amin’ny
fitandremana io Fety fahafito io izay antsoina hoe « Fara-fivoriana (Lev
23:36) na Andro lehibe farany » (Jao 7:37), no maha-feno
ny fahalalantsika ny sarin’ny planina nataon’ny Mpamorona hidiran’ny olombelona ao amin’ny Fianakaviany na
Fanjakany. Ny fanatanterahana ny dingana rehetra amin’io Planina io dia
manomboka amin’ny fanekentsika an’i Kristy ho Mpamonjy, ka hatramin’ny
fiverenany, ary mitohy hatramin’ny Andro lehibe farany, rehefa manana
fotona hahavonjy azy ny olombelona rehetra.